Текин электр энергияси? Электр компаниямиз (номи Октопус) яқин ойларда янги нарса ўйлаб топган—ҳафтанинг маълум (одатда дам олиш) кунларида 1-2 соат давомида электр текин бўлади. Ростан 100% текинмикан деб, ўқиб кўрсам, нормадан ортиқ ишлатиладиган электр энергиясигина текин бўларкан. Яъни, бугун соат 2 ва 3 оралиғида нормада ишлатадиган энергияга тўлаймиз (нормани Октопус бунгача юзлаб шанбада ишлатган токимизга қараб ҳисоблайди). Нормадан ортиғигина текин. Яъни, текин пишлоқ ҳамон ўша жойда 😅 Шунга қарамай, ўтган ҳафта ўша соатда кир машинасини ишлатиб, кирларни ювиб олдик, телефонларни зарядладик. Кўп пул эконом бўлмайдикуя, шунисигаям раҳмат 😄 Қани энди машинам электрли бўлса, батареясини тўлдириб олсам! Охирги йилларда Британияда Россиядан газ олинмай қўйгани сабаб энергия нархлари кескин ўсди ва ўсишда давом этмоқда. Бунга ўрганибам қолдик 😅 Ярим кВт бўлсада текин берганига хурсанд бўламиз. Октопус электрнинг катта қисми янгиланадиган манбалар, асосан шамол ва қуёшдан олинади. @profsherzod