​Гўшт дунё бўйлаб қимматламоқда БМТнинг Озиқ-овқат ва қишлоқ хўжалиги (FAO) индексига кўра, гўшт нархи дунё бўйлаб еттинчи ой кетма-кет ўсмоқда. Таҳлилчилар АҚШ ва Хитойдаги мол гўштига талабнинг ошиши етказиб бериш қисқараётгани фонида юз бераётганига эътибор қаратишган. Шунингдек, нархларнинг ўсиши иқлим ўзгаришлари ва турли касалликлар билан боғланмоқда. АҚШда қорамол сони ўн йиллик минимумларда бўлса, энг йирик экспортчи Бразилияда қорамоллар сони қисқармоқда. Гўшт нархининг ошишига сут маҳсулотлари қимматлаётгани ҳам босим ўтказмоқда. Сут қимматлаётганида мол сўйишга рағбат камайиб боради. Август ойида Ўзбекистонга импорт қилинаёган гўшт нархининг сезиларли ошгани қайд этилганди.