​Импорт ўсмоқда, гўшт нархининг ўсиши тўхтайдими? Февралда гўшт маҳсулотлари импортининг ўсиш суръати (+32,1%) январга (+85,3%) нисбатан секинлашганига қарамай, юқорилигича қолмоқда. 2025 йилнинг икки ойида жами 89,2 млн.долларлик ёки 2024 йилнинг тегишли даврига нисбатан 1,6 карра кўп гўшт маҳсулотлари импорт қилинган. Хусусан, қорамол гўшти импорти 1,7 карра ўсган. Гўшт импортининг кескин ошиши шу йил бошида Қирғизистондан тирик ҳайвон экспорти тўхтатилгани ва Қозоғистондан ёш ҳайвон экспортига тақиқ давом этаётгани фонида юз бермоқда. Ўзбекистонда февраль ойида гўшт нархининг яна бир марта кескин қимматлашиши тўлқини кузатилган.