​Гўшт импорти январда декабрга нисбатан сезиларли қисқарган Гарчи 2025 йилнинг январига нисбатан ўсиш давом этган бўлса, рекорд даражада гўшт импорт қилинган декабрга нисбатан импорт қисқарган. Божхона маълумотларига кўра, 2026 йилнинг январида жами 70,9 млн.долларлик гўшт ва гўшт маҳсулотлари импорт қилинган (2025 йил декабрда 107,2 млн.доллар). Шундан 53,7 млн.доллар қорамол гўшти ҳисобига тўғри келади (2025 йил декабрда 72,5 млн.доллар). Импорт қилинаётган қорамол гўшти нархи қимматлашишда давом этмоқда. Январда импорт қорамол гўштининг килоси ўртача 4,63 долларга тўғри келган (2025 йил декабрда 4,45 доллар). Январь ойида Ўзбекистон бозорларида гўштнинг чакана ва улгуржи нархларининг сезиларли қимматлашиши кузатилган.