​Гўшт яна сезиларли қимматламоқда Январь ойи давомида (30 декабрдан то 30 январгача) гўшт нархининг сезиларли қимматлагани кузатилган. Иқтисодиёт ва молия вазирлиги мониторингига кўра, мол гўшти улгуржи нархи шу даврда 66-100 минг сўмдан 70-103 минг сўмгача, яъни 3-6%гача қимматлаган. Қўй гўшти улгуржи нархи 70-105 минг сўмдан 82-110 минг сўмгача, яъни 4,8-17,1%гача ошган. Анҳор нашрининг Чорсу бозоридаги кузатувларига кўра, ой давомида мол гўшти чакана нархи 5 минг сўмга, қўй гўшти чакана нархи 30 минг сўмга қимматлаган. Нашр, шунингдек, бозор ва чакана савдо тармоғида гуруч нархида ҳам сакраш бўлганини ёзган. Иқтисодиёт ва молия вазирлигини кузатувлари бўйича гуручнинг улгуржи нархларида ой давомида ўзгариш бўлмаган. 2025 йилда гўштнинг кескин қимматлашиши февраль ойидан бошланганди.