Гўшт қимматлашишда давом этмоқда Май ойининг биринчи ярмида гўшт қимматлашишда давом этган. Улгуржи бозорда 1-15 май кунларида мол гўшти максимумлари 106 минг сўмдан 107 мингача (+0,9%), қўй гўшти максимумлари 115 минг сўмдан 120 минг сўмгача (+4,3%) қимматлаган. Чакана нархларни кузатиб бораётган narxtahlil порталига кўра, 29 апрелдан 6 майгача мол гўшти нархи ўртача 0,1%га, 119 545 сўмгача, қўй гўшти эса 0,2%га 130 863 сўмгача ошган. Энг қиммат мол гўшти Яккасарой туманида (139 333 сўм), энг қиммат қўй гўшти Олтинкўл туманида (155 000 сўм).