Коррупцион жиноятлар сони ва зарари кескин ошган Миллий маърузага кўра, 2024 йилда 7 354та коррупцион жиноят содир этилган (2023 йилда 6 535та), Коррупцияга оид жиноятлар оқибатида давлат манфаатларига 2,8 трлн.сўмдан зиёд зарар етказилган (2023 йилда 1,4 трлн.сўм). Деярли барча коррупцияга оид жиноятлар сони кўпайган. Хусусан, Ўзлаштириш ёки растрата йўли билан талон-торож қилиш 3 587тадан 4 189тага, Фирибгарлик жинояти 935тадан 1 191тага, Пора олиш 142тадан 187тага, Пора бериш 1 009тадан 1 086тага етган. Коррупцион жиноятлар бўйича судланганлар сони Таълим (474 нафардан 654 нафаргача ошган) ва Соғлиқни сақлашда (299 нафардан 342 нафарга етган). Бу маиший коррупцияга қарши кўргазмали кураш устувор бўлиб қолгани, шунингдек ўқитувчи ва дўхтирларнинг ўзини ўзи ҳимоялаш ресурслари чеклангани билан изоҳланса керак. Солиштириш учун, судланган банкирлар сони 321тадан 271тага, маҳаллий ҳокимликлар 250тадан 106тагача камайган. Ажойиб тенденция, шундай эмасми?