​Андижон вилояти яна етакчи! Коррупцион жиноятлар оқибатида давлат манфаатларига етказилган зарарнинг юқори улуши яна Андижон вилоятида қайд этилган. Вилоятда коррупцион жиноятлар ортидан давлатга 680 млрд.сўм зарар етказилган. Эътиборлиси, 2023 йилда ҳам 243 млрд.сўм етказилган зарар билан мутлақ етакчилик Андижон вилоятида эди. Демак, вилоят нафақат коррупцион етакчиликни ҳеч кимга бермаган, балки коррупцион жиноятлар зарарини 2,8 карра ошира олган ҳам. Коррупцион жиноятлар сони бўйича ҳам Андижон вилояти етакчи бўлган (882 та). Андижон вилояти Коррупцияга қарши кураш агентлигининг очиқлик индексида ҳам "мутлақ етакчи" бўлганди. Яна бир қизиқ ҳолат. Гарчи барча ресурслар пойтахт Тошкентдан туриб тақсимланиши ва кейин улкан коррупцион даромадлар Тошкентга қараб оқишига қарамай, пойтахтда коррупция билан боғлиқ судланганлар сони каррасига камлигича қолмоқда (етакчиларга нисбатан 2 карра кам). Шу ҳолат ҳам фокуслар қаерга қаратилганини кўрсатади.