“252 нафар ҳоким ёрдамчиси” Антикоррупция агентлигига кўра, 2025 йилда 153 та иш бўйича жами 252 нафар ҳоким ёрдамчиси коррупцияга оид жиноятлар учун жиноий жавобгарликка тортилган. Уларнинг 37 нафарига озодликдан маҳрум қилиш; 38 нафарига озодликни чеклаш; 160 нафарига ахлоқ тузатиш ишлари; 12 нафарига жарима жазоси; 5 нафарига бошқа жазо чоралари қўлланган. Яна қайтарамиз: муаммо сонда эмас. Бу институтни ислоҳ қилиб, тузатиб бўлмайди, чунки бутун мазмун-мундарижаси бўйича иррационал тақсимлаш устига қурилган. 9 минг инсоний ресурслар бошқа фойдали соҳаларда - қишлоқ хўжалиги, банк-молия, IT тадбиркорликда самарали фаолият кўрсатиши, юзлаб миллиард бюджет маблағлари эса ижтимоий қатламларга манзилли йўналтирилиши мумкин.