АҚШ билан ҳамкорликда бизнес устувор масалага айланмоқда Давлат раҳбарининг АҚШдаги учрашувларида иқтисодий ҳамкорлик музокараларнинг маъно мазмунини белгилаб бермоқда. Американинг ўнлаб йирик компаниялари билан ўтказилган мулоқотларда муҳим минералларни қайта ишлаш ва барқарор етказиб бериш занжирларини шакллантириш, АТ, сунъий интеллект, рақамлаштириш, транспорт, энергетика ва ижтимоий инфратузилмани ривожлантириш, "ақлли" қишлоқ хўжалиги, илғор технологияларни жорий қилиш ва кўплаб бошқа соҳаларда аниқ лойиҳаларни илгари суриш иқтисодий ва инновацион шерикликнинг устувор йўналишлари сифатида қайд этилган. “Boeing” самолётларини етказиб бериш бўйича янги шартнома шунчалик катта аҳамиятга эга бўлдики, бунга Президент Трамп ҳам алоҳида эътибор қаратди. Бир сўз билан айтганда, бугунги АҚШ билан муносабатларда бизнес устуворлиги муваффақият калити бўлиши мумкинлигини Ўзбекистон намуна қилиб кўрсатмоқда.