Корхоналар ҳақида маълумотлар энди кафтдек намоён iHamkor иловасида компания карточкаси янги кўринишда ишга туширилди. Энди ҳар бир компания ҳақидаги маълумотлар ягона интерфейсда жамланган ва блоклар кесимида тақдим этилмоқда. Карточкада компаниянинг молиявий фаолияти билан бирга унинг контрагент сифатидаги тажрибаси, тузган шартномалари ва иштирок этган тендерлари кўрсатилган. Шунингдек, суд ишлари ва ижро жараёнлари, солиқлар бўйича ҳисоб-китоблар, қарздорлик ҳолати ва молиявий барқарорлик индикаторлари алоҳида бўлим сифатида берилади. Янгиланган форматда фақат рақамлар эмас, балки уларнинг динамикаси ва таҳлили ҳам визуал тарзда акс эттирилади. Бу эса маълумотларни солиштириш ва баҳолаш имконини янада кенгайтиради. Шунингдек, барча маълумотлар обуна доирасида янгиланиб, фойдаланувчилар учун чекланмаган тарзда очиқ ҳолда тақдим этилади.