ICTWeek 2024 кўргазмасида Venkon Group томонидан ишлаб чиқилган iHamkor.uz хизмати тақдимоти бўлиб ўтди. Хизмат бозорда ўзига ишончли шерикларни излаётган тадбиркорлар учун айни муддао. Venkon Group томонидан яратилган платформада ўзингизга потенциал ҳамкорларни топиш ва рақобатчиларингизни ўрганиш имконига эга бўласиз. Бунинг учун керакли ташкилотнинг СТИР ёки юридик номини киритиш кифоя. Платформа сизга уларнинг устав капитали, таъсисчилар ва бошқа молиявий ҳамда солиқ кўрсаткичлари ҳақида маълумотларни чиқариб беради. Бу билан нафақат ишончли хамкор топиш, шунингдек, бозорни ўрганиш ва бизнес стратегиянгизни шунга қараб шакллантириш имкониятига эга бўласиз.