40 йилдаям қурилмаган Белене АЭСи ҳақида Кўраётганингиз Чернобиль АЭСи ёки ўлик шаҳар Припять эмас. Бу қурилиши совет босқинчилари тарафидан 1984 йилда бошланган Болгариянинг Белене шаҳри ва қуриб битказилмаган АЭСи манзаралари. 2022 йил февралида Россия Украинага бостириб киргач, Болгария ҳукумати Беленеда АЭС қуришдан узил-кесил воз кечган. Беленеда 1000 МВтли қувватли АЭС қурилиши Совер иттифоқи қулагунча давом этган, ҳатто 1-блок учун ускуналар ўрнатилган, кейин молиялаштириш тўхтаган. 2006 йилда лойиҳа яна тирилтирилган, Россия 4 млрд.еврога АЭСни қуриб охирига етказиб беришни ваъда қилган, лекин 2010 йилда лойиҳа қиймати 6,3 млрд.еврога шишган (таниш манзара), кейин эса 9,6 млрд.еврогача. Мустақил ҳисоб-китоблар бу АЭС ҳеч қачон ўзини оқламаслиги ва Болгарияни банкротликка етаклашини кўрсатган. АЭС қуриш баҳона Болгария иқтисодиётига ва миллий хавфсизлигига етказилган зарарлар, ўғри олигархия ва уларнинг ҳукуматдаги шотирлари ўзлаштирган миллиардлар ҳақида шу ерда ва мана бу ерда ўқишингиз мумкин.