Беларусь бўйнига илинган АЭС, болтиқбўйи учун бомба 7 йил давомида қурилган Беларусь АЭСининг биринчи блоки фойдаланишга топширилганидан кейин ишлаганидан кўра кўпроқ ремонтда бўлган. АЭС ўтган 488 кун ичида фақат 255 кун ишлаган ва ремонт ишлари яна давом этади. Лекин бу асосий кредитор Россияни асло ташвишга солмайди ва мана нима учун. Расмий рақамларга кўра, АЭС биринчи блокининг қиймати 9 млрд.долларга тушган ва бу тўлиқ Россия ажратган кредит ҳисобига молиялаштирилган. Эътиборга олиш лозимки, Россия АЭС учун ажратилган кредит ҳеч қачон қайтарилмаслигини била туриб кредит ажратган. Аввалига кредит 25 йилга, LIBORга боғланган сузиб юрувчи ставкаларда бўлган. Лекин АЭС ишга тушмасдан турибоқ, кредит фоиз ставкалари пасайтирилган, муддати яна 10 йилга чўзилган. АЭСнинг баён этилган қуввати 1100 МВт. Таъкидланганидек, АЭС қурилишидан бошлаб унинг мақсади иқтисодий эмас, сиёсий эканлиги яширилмаган. Яъни Беларусь АЭСи орқали болтиқбўйи давлатлари, айниқса Литвани энергетик қарамликда ушлаб туриш бўлган. Уруш бошлангач, энергия мустақиллиги сиёсати доирасида болтиқбўйи давлатлари Россия ва Беларусдан энергетик мустақиллиги ҳаракатларини бошлаган, бу ҳаракатлар 2025 йилда тўлиқ энергетик мустақиллик билан якунланиши керак. Биз ўзбекистонликлар беларуслар хатосини такрорламаслигимиз даркор. Келажак авлод, қўшни Қозоғистон, қўшни Тожикистон бундай хатони ҳеч қачон кечирмайди.