Энергетик барқарорлик учун АЭС қурмоқчимиз, деган афсонага ҳалиям ишонасизми? АЭС қурилиши билан боғлиқ сиёсий мақсад Ўзбекистонни узил-кесил шимолга қарам қилиш, бу мақсад йўлида АЭС қурилиши баҳона икки, керак бўлса, уч карра қимматлаштириб пул ўзлаштириш эканига ҳеч қачон шубҳа қилмаганман. Каррасига қимматлашган лойиҳа сиёсий мақсадларни янада яқинлаштиради. Айрим "полезный идиот" бетарафлар АЭС ҳеч қачон қуриб битказилмайди, дея ўзини овутишмоқда. Лекин ўнйиллар давомида қуриладиган "долгострой" АЭС ҳам сиёсий мақсадларни осонлаштиради. Зеро "догострой" АЭС мамлакат ва миллат қувватини тинимсиз сўради. Назаримда, бекорга АЭС қурилишини махфий эълон қилишгани йўқ. Эҳтимолки, у сиз ва менинг чўнтагимдан молиялаштирилади. Сизники, бизники, ҳаммамизники бўлади бу бало ростакамига. Чўктирилган Ўзбекнефтегаздан қиммат пудрат қилиб чиқариладиган пулнинг ўзи қолмадику. Қуритилган қудуқларни қайта қайта кавлаб ё ўзи каррасига қиммат GTL' ускуналарига қайтарма лизинг қилиб АЭС қуришга пул чиқариб бўлмайди. Ё Ёшликда битмаган учинчи ва тўртинчи фабрика ёнига бешинчи ва олтинчи фабрикани ўйлаб топишадими? Айтгандай, қурилишни махфий деб эълон қилиниши каррасига қимматлашадиган пудратни ким учун аташгани билан боғлиқ эмас, дея оласизми? Айни шу "инвестор"ни деб кичик қувватли АЭС қурилиши, деган чалғитувчи оралиқ лойиҳани ўйлаб топишмадими? Ахир қаердандир корейслар ёки пиндослар келиб арзон ва рақобатли лойиҳа таклиф этишига йўл қўйиб бўладими? Шундай экан, ҳеч қачон охирига етмайдигандек чўзиладиган, устма-уст, бир-бирига қарз ва мажбуриятлари кийдирилаётган, қарор-у протоколлари бир-биридан махфия ва ёпиқ Бойсундан Тебинбулоққача, Қоракўлдан Олмалиққача бўлган мегалойиҳалар қаторига мана энди Тузкон ҳам қўшилади. P. S. Saneg Atom ҳақида шу ерда ўқинг.