Uzum Лондонда бўлиб ўтган инвестицион роуд-шоуда иштирок этди 14 октябрь куни Лондонда Rothschild & Co ташаббуси билан ўтказилган инвестицион роуд-шоуда Uzum компанияси ҳам иштирок этди. Форумда халқаро инвестиция жамоаси, давлат идоралари ва хусусий бизнес вакиллари қатнашган. Uzum ҳаммуассиси ва бизнесни ривожлантириш стратегияси бўйича директори Николай Селезнёв рақамли экотизимларнинг иқтисодий ўсишдаги роли ҳақида маълумот берган. Бундай форматдаги тадбирлар Ўзбекистонни халқаро сармоядорлар олдида танитиш, рақамли иқтисодиётнинг улкан салоҳиятини намоён этиш ва стратегик ҳамкорликни мустаҳкамлаш имконини яратади.