Uzum 400 миллиард сўмлик иккинчи облигация нашрини жойлаштиришга тайёрланмоқда Uzum компанияси ўз облигацияларининг иккинчи нашрини амалга оширишга тайёргарлик кўраётганини маълум қилмоқда. Айтилишича, янги нашр аввалгисидан ҳам йирик ва унинг умумий ҳажми 400 млрд сўмни ташкил қилади. Компанияга кўра, облигациялар бўйича йиллик ставкa 24 фоиз этиб белгиланган, муомала муддати эса 2 йилни ташкил қилади. Ҳар бир облигациянинг номинал қиймати 100 млн сўм бўлиб, бу воситани йирик институционал инвесторлардан ташқари хусусий инвесторлар учун ҳам қулайлаштириши айтиляпти. Таъкидланишича, компания инвестиция имкониятларини яратиш билангина чекланиб қолмасдан, молиявий воситаларни кенг жамоа учун тушунарли ва қулай шаклда таклиф қилиш орқали мамлакатда инвестиция маданиятини шакллантиришни ҳам мақсад қилган.