​Burger King Ўзбекистонда Халқаро ресторанлар тармоғи бренди Burger King расман Ўзбекистон бозорига кириб келди. Кеча Тошкентда биринчи рестораннинг очилиш маросимида АҚШ элчиси Жонатан Ҳеник иштирок этган. Элчи жаноблари International Beverages Tashkent компанияси асосчиси Шуҳрат Эргашев билан биргаликда рамзий қизил лентани қирқиб, мамлакатдаги биринчи Burger King’га фаолиятига старт беришган. Burger King’нинг Ўзбекистонга кириб келиши икки давлат ўртасидаги ҳамкорликнинг амалий ва бизнес йўналишларда тобора кенгайиб бораётганини кўрсатади. Бу ҳамкорлик иқтисодиёт ва инвестициялар соҳасида янги имкониятлар очмоқда.