2026 йил коррупцияга қарши курашиш бўйича фавқулодда ишлаш йили Менимча, келаси йилнинг ҳақиқий ҳароратини шу вазифа белгилаб бериши керак. Дарвоқе, кечаги сўровларимизда 2026 йил Коррупцияга қарши кураш йили бўлишини ёқлаганлар 21,2%ни ташкил этган эди. Давлат раҳбарининг бугунги мурожаатидаги энг эътиборли масалалардан бири айнан коррупция муаммоси бўлди: “Коррупция – давлат тараққиётига тўсиқ бўладиган, адолат ва қонун устуворлигини издан чиқарадиган, жамиятда ишонч муҳитини заифлаштирадиган энг жиддий таҳдид. Коррупцияга йўл қўйиш эса ислоҳотларимизга хиёнатдир! Бу иллатга қарши курашиш бўйича 2026 йилда “фавқулодда ҳолат” эълон қиламиз”.