Ҳолол, пок одамларнинг ҳолол, пок шогирдлари ҳақида Ўзбек номенклатурасининг наздидаги ҳолол, пок дегани битта ўзи емаган, менгаям, тепагаям узатиб турган дегани. Ўзидан кетган, валломат дейиляптими, у тепа билан, атрофидагилар билан бўлишмаган. Бир ўзи еган. Нақдлаштириш саноат даражасига кўтарилган йилларда ким обналчиларни крышевать қилгани ва қисм даражаси Кечаги Мурожаатчининг эсида қолган шекилли. Шунинг учун балки тепага кетаётган улушдан қисм кутган кўринади. Ҳозир обнал пул ишлаш саноати эмаслигини у назардан қочирган. Доим шунақа вақтда "Ҳеч ким фаришта эмас" принципи асосида, доимий ўзаро тийиб туриш қоидаларига асосланиб давлат қуриш кераклиги ёдга тушади. Кечаги чиқиш, барча тафсилот ва деталлари билан ҳеч қандай янгилик очиб бергани йўқ. Лекин бу чиқиш кейинги 4 йилдаги суянилаётган сектор бошқаруви тизими бузуқ ва ярамас эканини, давлатчиликни зимдан емираётганини яққол кўрсатиб берди. Мамлакат Конституцион бошқарувга, Прокуратура эса Конституцияда белгиланган функцияларига қайтиши лозим!. Бу биринчи хулоса. Бугунимизда коррупция вертикал ва горизонтал муносабатларни елимлаб турувчи, ҳаракат ва жараёнларни таъминловчи Ягона воситага айланиб қолган. Бу елимдан воз кечилса, номенклатура конструкцияси тўкилиб тушади.Шунинг учун ҳам коррупцияга қарши кураш лўлича муолажа тарзида кетмоқда. Росмана кураш эса ўта оғриқли кечади, чунки номенклатура аъзоларининг ўзига, акасига, хотинига, синглисига, ўғлига, қизига, ўғлига, куёвига, қайнотасига, қайнонасига, дўстига қарши курашини, ўт очишни тақозо этади. Фақат қисм бўлишда душманга айланганларга қарши эмас. Биз нормал давлат қуриш йўлида пайдо бўлган балки охирги тарихий Имкониятни бой бераяпмиз. Қизил чизиқ яқин ёки биз Қизил чизиқнинг устидамиз. Бу иккинчи хулоса. @the_bakiroo