Жамоат транспорти феълан тугатилган пойтахтда бекатлар яна янгиланади "Тошшаҳартрансхизмат" компаниясининг назорати ва буюртмачиси Тошкент шаҳар транспорт бошқармасига ўтказилгач, пойтахт маъмуриятининг қўл урган илк қарори бундан бошқача бўлиши ҳам мумкин эмасди. Чунки пойтахт маъмурияти ҳар қандай жараёндан пул ишлашдан бошқа вазифани кўрмайди, кўриши ҳам мумкин эмас. Пойтахтда жамоат транспортининг ўзи йўқ, автобусларни соатлаб кутасиз, лекин булар автобус бекатларини шу ўнйилликнинг ўзидан 4- марта ўзгартиришмоқда. Бекатларда майдон ижара ҳуқуқини сотиб олиб, уни таъмирлаган, икки йил аввал ҳокимият директиваси билан мажбурий ойнаванд қилиб ўраган, кондиционерлар ўрнатган, тозалиги ва ободонлигини таъминлаб турган тадбиркорларнинг харажатларини қоплаб бериш ҳақида бирон гап йўқ. Демак, Тошкентда яна минглаб тадбиркорлар ва уларга қўшилиб уларнинг оиласи кўчага улоқтирилади ёки уларда ҳақоратли "темир дафтар"га тиркалишдан бошқа илож йўқ. Бунинг ҳаммаси пойтахт бошига тушган кемирувчи мавжудотларнинг "Бекатларни янгилаш" операцияси орқали миллиардларни ўзлаштириши учун. Янада кўпроғини кутинг. https://www.gazeta.uz/ru/2020/12/11/busstop/