Ҳам Транспорт бошқармасига, ҳам «Тошшаҳартрансхизмат»га раҳбарлик қиладиган Анвар Жўраев интервью берипти. Ҳозир гап Жўраевнинг 6 ойдан буён пойтахтда ҳам транспорт сиёсатига, ҳам транспорт компаниясига раҳбарлик қилаётганида эмас. Қонунлар ишламайдиган мамлакатда манфаатлар тўқнашувига йўл қўймаслик деган маданий бизнес тушунчалари ғирт бегона. Интервьюнинг энг қизиқ жиҳати жаноб Жўраевнинг Пойтахтдаги 2000та автобус бекатини бутунлай янгиланиши ҳақида айтгани. Адашмасам, охирги 15 йилда бу 3- бор бекатларнинг янгиланиши. Тошкентга тайинланган ҳоким борки, бекатларни янгилашнинг ўзининг муқаддас ва кечиктириб бўлмайдиган вазифаси, деб ҳисоблайди. Эски конструкциялар бузилади, материаллари қаёқларгадир йўқ бўлади, ўрнига миллиардлаб пул сарфлаб янгилари тикланади. Катта эҳтимол билан янгиланган бекатлар алюминий ва пластик профиллардан тикланса керак. Буям майли, Жўраевга кўра, янгиланган бекатларда савдо ва овқатланиш нуқталари кўзда тутилмаган. Демак, йиллар давомида бекатларни сотиб олган, дўкон, фаст-фуд нуқтаси қурган, қўшимчасига кондиционер ўрнатиб, ёпиқ ойнаванд қилиб, қайта жиҳозлашга мажбурланган барча тадбиркорлар тайёргарлигини кўраверса бўлади. Бу мамлакатда ким мулк ҳуқуқини ўйлаптики. ким мулк ҳуқуқини кафолатлаптики, Жўраев бу ҳақда ўйласин. Шундай эмасми?