Тўғридан-тўғри битимлар тафтиш қилиниши ва солиштирилиши керак эмасми? Ўзи 2026 йилда коррупцияга қарши курашда фавқулодда ҳолат эълон қилинган экан, ўтган йилларда давлат бюджети ҳисобидан, ДХШ ва давлат кафолатлари, имтиёзлари берилган лойиҳаларда тўғридан-тўғри тузилган битимларни худди шу секторларда тендерлар натижаси орқали тузилган битимлар билан солиштириш ўринли бўлган бўларди. Масалан, Наманган аэропортининг ишончли бошқарув шартларини (тендерсиз) Урганч аэропорти бошқарув шартлари (тендер билан) билан. Ëки бўлмасам, Хитойларга тендерсиз топширилган қуёш станциялари шартлари билан тендер асосида қурилган қуёш станциялари шартлари ва натижаларини. Одатда коррупционерлар ва уларнинг малайлари тендер ўтказсак вақтдан ютқазамиз деб кўзни шамғалат қилишади, лекин амалда тўғридан тўғри шартномалар тузиш билан вақтдан ҳам, пулдан ҳам каррасига кўпроқ харажат қилинади.