Парковка қироли устун музокара кучига эга деб топилди, лекин бу етарли эмас! Рақобат қўмитаси “Streetpark Systems” МЧЖ (Poytaxt parking) умумий фойдаланишдаги автомобиль йўлларида жойлашган пулли тўхтаб туриш жойларидан фойдаланиш ҳуқуқини берувчи хизматларни кўрсатиш бўйича устун музокара кучига эга деб эътироф этмоқда. Бу албатта, муҳим қадам, лекин етарли ва тўлиқ эмас! Энди Streetpark Systems МЧЖнинг ахборот тизими оператори сифатида ҳам монопол мавқеи қайд этилиши керак. Бўлмасам, иш чала бўлади. Ёки бўлмаса, парковка қироли назоратидаги парковкалар бўйича ахборот базасига (тўловлардан тортиб мавжуд бўш жойларгача) “доступ”ни агрегаторлардан тортиб тўлов ташкилотларигача тенг шароитларда очиши лозим. Шунда ўтган йилги шарманда аукционларда бузилган мувозанат бироз тикланади. Албатта, идеалда аукционни қайтадан ўтказиш ва антикоррупцион маҳкама талаблари ҳам кун тартибидан тушмаслиги зарур.