640,8 минг тонна пропаннинг бозор ва тарифдаги нарх фарқи 6 триллион сўм дегани "Аҳолига берилаяпти" дейилган 640,8 минг тонна пропан бу 1,2 миллиард литр пропан дегани. Аҳолига сотилаётган пропан тариф бўйича килосига 2 минг сўм (литрига 1,1 минг сўм). Чакана шохобчаларда сотилаётган пропан эса литри аллақачон 7 минг сўмдан ошиб кетди. Орасида камида 5 минг сўм фарқ бор деб ҳисобласак ҳам, "аҳолига бераяпмиз" дейилаётган пропандан камида 6 триллион сўм ёки 500 миллион доллар йўқотиш мавжуд. Тасаввур қилаяпсизми қанақа катта сумма ва қанақа катта коррупцион жозиба бор. Бу худди ёпиқ конвертация пайти каррасига фарқланадиган давлат курси ва кўча курси яратган ўпқон каби. 6 триллион сўмлик фарқ бу электр энергиясининг таннархи минг сўм дейилган тақдирдаям камида 12 млрд.кВт.соат электр учун 50%лик чегирма бериш имкониятини яратади. Ҳеч қанақа субсидия ва бюджет юкламасисиз. Маълумот учун, 2025 йилда Ўзбекистон аҳолисининг жами электр энергияси истеъмоли 19 млрд.кВт.соатни ташкил этган. Энди тушунгандирсиз, нима учун ўзи йўқ пропан таъминотидан воз кечиб, газлашмаган хонадонларга 50%лик чегирма беришмаётгани сабабини? Бундан давлат ҳам, аҳоли ҳам ютган бўларди. Фақат ким ютқазарди?