Январда газ экспорти тўхтаган (тўхтагани рост ва доимий бўлсин!) Расмий статистикага кўра, 2026 йил январь ойида Ўзбекистон газ экспорт қилмаган. Бу ҳолат расмий маълумотлар мавжуд янги даврда биринчи марта қайд этилмоқда. Аввал ҳам газ экспортини тўхтатиш ҳақида бир неча бор расмий баёнотлар берилганига қарамай, айрим олигархик гуруҳлар яширин қарорлар асосида газ экспортини тўхтатмаган ва ҳатто оширишда давом этишганди. Газ қазиб олиш янги тубларга қулаётгани фонида газ импорти 2025 йил январга нисбатан қарийб 7 карра, 167,6 млн.долларгача етган. Умуман олганда январда ёқилғи импорти деярли 2 карра кўпайган ва 406 млн.доллардан ошган, хусусан 170 млн.долларлик бензин импорт қилинган (+144,8%). Олтин нархи тарихий максимумларга етганига қарамай, экспорт қайд этилмаган. Лекин 6,1 млн.долларлик олтин импорт бўлган. Афғонистон расман 5- савдо ҳамкоримизга айланган (экспортда учинчи). Хизматлар экспорти асосан туризм рақамлари ҳисобига юқори суръатда ўсишда давом этмоқда. Жами экспортдаги хизматлар улуши 43,8%га етган (ўтган йили шу даврда 37 6%)