Газ экспорти тўхтамаган Декабрда "Қўшни давлатдаги технологик авария" бўлди деган важлар кўрсатилиб, иссиқхоналар-у, йирик ишлаб чиқаришлардан тортиб метан заправкаларгача газдан узилганига қарамай, Ўзбекистон газ экспортини тўхтатмаган. Худди шундай ҳолат аномал дейилган 2023 йилнинг қишида ҳам кузатилган эди. 2025 йил декабрида 4,7 млн.долларлик газ экспорт бўлган, йил давомидаги экспорт ҳажми 628,8 млн.долларга етган (2024 йилда қўшиб ёзилган миқдордаги газ ҳажми даражасида). Ой давомида 203,0 млн.долларлик газ импорт қилинган, импортнинг йиллик ҳажми 1 659,8 млн.долларга етган. Декабрда импорт ўсиши тезлашган (+16,5%), экспорт ўсиши эса секинлашишда давом этмоқда (+4,9%). Олтин экспорт бўлмаган, лекин Ўзбекистондек буюк олтин мамлакати олтин импортини тўхтатмаган (+56,9 млн.доллар). Божлар ошиши арафасида автомобиллар импорти тезлашган. Ой давомида 152,2 млн.долларлик автомобиль, 157,3 млн.долларлик "запчасть" (чайқовчи монополистлар бож тўламай импорт қилаётган автомобиллар) импорт бўлган. Қўшни давлатларга, айниқса Қирғизистонга экспорт йил охирида каррасига кўпайган (бу экспорт режасин бажариш бюрократик схемалари билан, эҳтимол, ҚҚС қайтаришдан иборат шартли сохта атиргул экспорти бўлса ажабланмаслик керак).