"LG кондиционерлари 2025 йилда Ўзбекистонга киритилмаган" Кечаги учрашувнинг охирги соатида тадбиркорларда Ўзбекистонда импорт учун қўйилган бюрократик ва маъмурий тўсиқлар ҳақида гапиришига имкон туғилган (4:10:45'дан бошлаб кўринг). Хусусан, музлатгич, кондиционер ва чангютгичлар импорти билан шуғулланувчи тадбиркор сертификатлаштириш воситасида қўйилган сунъий тақиқлар муаммосини кўтарган. Вазият шу даражадаки, ўтган 2025 йилда Ўзбекистонга LG кондиционерлари импорт бўлмаган. "Бунинг сабаблари нимада эканини Ўзстандартдан сўраш керакмиди", — дея луқма ташлаган тадбиркор. Тадбиркор музлатгичларга сертификат олишга 8 ой сарсон бўлган. Сертификатлаштириш билан "маҳаллийлаштирувчилар" манфаатига ишлайдиган Элтехсаноатнинг шўъбаси ва аллақачон люстрация қилиниши керак бўлган UzTest шуғулланиши киноя қилинган. Тизимда нимадир жиддий ўзгарадими, йўқми, яна бир нарса дейиш қийин. Бош вазир ўринбосари Ходжаев тадбиркорга Ўзстандарт (Техник тартибга солиш агентлиги) вакили билан ҳал қилиш маслаҳатини берган. Ёзда тадбиркор Альфия Мусина импорт музлатгич ва совутгичларни сертификатлаш атайин пайсалга солинаётгани масаласида Техник тартибга солиш агентлигидан шикоят қилганди. Кейинроқ орден билан мукофотланган Мусинани муаммоси тизимли эмас, фақат индивидуал тартибда ечилган кўринади.