Қиммат нархлар ва дефицит заправкаларда эмас, тепада, “олиш” бошида шаклланади Бугун ҳам метан заправкаларда газ бўлмаслигини соат 11га яқин эълон қилган Энергетика вазирлиги хусусий автозаправкалар эгаларидан нархларни сунъий равишда оширмаслик ҳамда бензинни сифат ва миқдор жиҳатидан тўғри сотишларини сўраган. Агар вазирлик шундай сўровларни олигархия ва монополистлардан ҳам талаб қилганида биз бошқа Ўзбекистонда яшаётган бўлардик. Зеро қиммат ёқилғи айнан олигархлар қўлида концентрациялашган импорт каналлари ва инфратузилмада, шунингдек, таклифни монополистлар исталганча бўғиб ўйнатадиган биржада шаклланади. Масалан, 10 март куни, айнан 3 кунлик танаффусдан кейин биржада бензин сотуви таклифи нима учун 2 карра камайиб кетганини тушунтириб беришса ёки Рақобат қўмитасига кенгроқ ҳуқуқларни реализация қилиш имконини беришса яхши бўларди. Энергетикамиз пастдан эмас, юқоридан тузатишга муҳтож.