Метан учун потолокни қайтариш ҳақида гап кетмаяпти "Метан газ нархини тадбиркорлар ўзлари белгилаши" ва 10 ой аввал жорий қилинган потолок нархларнинг бекор қилингани, гарчи бу ҳақда анонс қилинмаган ва расмий хабар берилмаган бўлсада, тўғри қарор. Биз нархларни давлат белгилаши, чиновникларнинг лимит тақсимлаши, график ўрнатиши, кимга газ бериш бермасликни ҳал қилишларидан иборат бузуқ режимдан узил-кесил воз кечишимиз керак. Лекин айни шу нозик паллада, керак бўлса. йўлайирғич ҳолатда, ўзбекистонликлар онгли равишда метандан воз кечиб, ўзлари маблағ сарфлаб пропан газ таъминотига ўтаётган бир вақтда пропан учун сунъий равишда дефицит яратилиши бу қип-қизил бузғунчилик. Шундай ишлардан кейин кимнидир ислоҳотларни қўя туринг, ўзгаришларга, бозорга қараб юраётганлигимизга ишонтириб бўладими? Идеалда метан ҳам, пропан ҳам ўзаро боғланмаган ишлаб чиқарувчилар ва импортчилар томонидан таклиф этиладиган, нархлар бозорда ва биржада аниқланадиган товарга айланиши керак. Лекин буни шонли энергетиклар истаётганига гумоним бор. Токи шундай экан, қўл бошқаруви, сунъий уюштириладиган дефицитлар, олигархия билан ёпиқ келишувлар ва тил бириктиришларга нисбатан жамоатчиликнинг ўзи қарши туриши керак.