One in — two out регуляцияси керак Янги даврнинг ислоҳот йилларида шунақа ташаббуслар ҳам йўқ эмасди. Ўзбек чиновниклари, нафақат ўзбек чиновниклари, исталган бюрократия тақиқ ва чекловларни жуда суяди. Чунки ҳар қандай тақиқ ва чеклов амалдорнинг вазнини оширади, йўқ жойдан аҳамиятини ясайди, бутун бошли амалдорлар армиясининг моҳияти чекловларсиз маънога эга бўлмай қолади. Шунинг учун, қатор эркин мамлакатларда тақиқ ва чекловларга нисбатан one in — two out концепцияси ишлайди. Яъни, айтайлик янги чеклов ёки тақиқ киритмоқчимисан, марҳамат қилиб, айни шу соҳада вазни мутаносиб камида иккита тақиқ ва чекловни бекор қиласан. Бу қоида аввало янги чеклов ва тақиқларни тийиб туради, киритилган тақдирда ҳам бизнес ва аҳолига юкламани ошиб кетишига йўл қўймайди.