Белорусь Конституциясининг 87, 88 ва 89- моддалари жудаям қизиқ 87- моддага кўра, Президент исталган вақтда истеъфога чиқиши мумкин. Президент истеъфосини Парламентнинг Вакиллар Палатаси қабул қилади. 88- моддага кўра, Президент соғлиғи ёмонлашгани ёки Давлатга хиёнат қилгани туфайли вазифасидан озод этилиши мумкин. Ҳар икки ҳолатда ҳам Парламентнинг (Кенгаш ва Вакиллар Палатаси) мутлақ кўпчилиги буни маъқуллаши лозим. 89- моддага кўра, Президентлик лавозими бўш бўлиб қолганда ёки Президент ўз вазифасини бажара олмаган ҳолда янги сайланган Президент қасамёдга келтирилгунча Бош вазир Президент вазифасини бажариб туради. Яқин орада воситачи-модератор сифатида Парламентнинг чиқишини кўриб қолишимиз мумкин. Айтайлик, Президент соғлиғига кўра ўз вазифасини бажара олмай қолади, Парламент буни тасдиқлайди, Бош вазир вақтинча Президент вазифасига киришади ва янги сайловлар эълон қилинади. Белорусь Республикаси Конституцияси.