Дизель ёқилғиси сакраб-сакраб қимматлашишдан тўхтамаган Мазкур ҳафтадан бошлаб Республика товар хом-ашё биржаси дизель ёқилғиси бўйича нархлар ўртачаси ўрнига 10 турдаги дизель ёқилғиси бўйича нархларни эълон қилишга ўтди. Табиийки, энди ўртача нархлар ошаётганини аниқлаш учун қўшимча ҳисоб-китоб қилишга тўғри келади. Масалан, 21 апрель куни дизель ёқилғисининг ўртача нархи тоннасига 15 426,8 минг сўмга етган. Бу 20 апрелдаги ўртача нархдан (13 120,7 минг сўм) 2 306,1 минг сўмга ёки 17,6%га қиммат дегани. Яъни дизель ёқилғиси сакраб-сакраб қимматлашишда давом этмоқда. Баҳорги экин-тикин ва иқтисодий фаоллашув давридаги дизелнинг қимматлашуви бутун йил давомида қимматчиликни белгилайди. Кимга нима қайғу?