Биринчи чорак учун ЯИМ рекорд даражада ўсган Ўзбекистонда йилнинг биринчи чорагида ЯИМ 8,7%га ўсган, бу кўрсаткич одатда қийин ўтадиган янги давр биринчи чораклари учун мутлақо янги рекорд ҳисобланади. Солиштириш учун, ўтган 2025 йилнинг биринчи чорагида иқтисодий ўсиш 6,8%ни ташкил этганди. 8% ва ундан баланд кўрсатилган ЯИМ ўсиши олдинги эпохада, айниқса 2007-2016 йилларда доимий равишда қайд этилган, лекин бу рақамлар янги даврда савол остига олинган. Айтиш керакки, халқаро молия институтлари ўша пайтда ҳам юқори иқтисодий ўсишни эътироф этиб келишган (масалан, 2011-2013 йилларда 8%дан кўп иқтисодий ўсиш баҳолаб келинган).