Биринчи ярим йилликда ЯИМ 6,2%га ўсган 2021 йилнинг дастлабки олти ойининг макроиқтисодий параметрлари эълон қилинди. Расмийларга кўра, ЯИМ ўтган ярим йилда 6,2%га ошган. Бунда хизматлар 18,3%га, юк ташиш 14,1%га, чакана савдо 9,0%га, саноат эса 8,5%га ўсгани айтилмоқда. Қурилиш (0,1%) ва қишлоқ хўжалиги соҳасида (1,8%) ўсиш камтарроқ кўриниш олган. Аҳолининг реал даромадлари 10,8%га кўпайгани қайд этилган. Солиштириш учун: Янги даврда ярим йиллик иқтисодий ўсиш кўрсаткичлари қуйидагича бўлган: 2017 йилда - 7,0%; 2018 йилда - 4,9%; 2019 йилда - 5,8%; 2020 йилда - 1,1%.