Шикастланиш кўлами ўтган йил шу давридагидан баландроқ Кеча 2021 йил 16 июль куни Ўзбекистонда 501 нафар инсонда коронавирус инфекцияси қайд этилган. Шу билан бирга 416 нафар фуқарода пневмония аниқланган. Бу 2021 йил учун мутлақ рекорд кўрсаткич. Агар пневмония ва коронавирусдан шикастланиш ҳолати қўшилса, пандемия бошлангандан буён энг баланд кўрсаткич. Солиштириш ва эслаш учун, 1 йил аввал 2020 йил 16 июлда 494 нафар шахсда коронавирус аниқланган эди. 2020 йил учун шикастланиш мутлақ рекорди 3 августда қайд этилган - 788 нафар. Шикастланиш 22 сентябргача 700 нафаргача кўтарилиб тушиб турган. Кейин сокинлик бошланган.