Апрелда олтин сотилган (экспорт қилинган) бўлиши мумкин Апрель ойи якунлари билан халқаро захираларимиз 1,9 млрд.долларга ошиб, 70,9 млрд.долларга етган. Бунда захираларнинг валюта қисми 1,2 млрд.долларга, олтин қисми эса 0,7 млрд.долларга кўпайган. Захиралардаги олтиннинг физик ҳажми 40 минг унцияга — 13,32 млн.унциягача камайган. Эҳтимолки, ишлаб чиқарувчилардан ҳар ой сотиб олинадиган ҳажм инобатга олинса, ўтган ойда 300-320 минг унция олтин сотилган бўлиши мумкин. Маълумот учун, охирги марта олтин экспорти 2025 йил сентябрда қайд этилган эди.