Захираларимиз бироз ошган, яна олтин нархи ҳисобига Апрель ойида халқаро захираларимиз умумий қолдиғи 918 млн.долларга кўпайиб, 35 108,3 млн.долларни ташкил этган. Захираларнинг валюта қисми яна камайган (-238,6 млн.доллар) ва 8 021,7 млн.доллардан иборат бўлган. Ўтган ойда олтиннинг физик ҳажми деярли ўзгаришсиз 11,5 млн.унция (-40 минг унция) миқдорда сақланиб қолган. Лекин олтин нархининг кескин қимматлашуви унинг миқдорий қийматини 1 159,2 млн.долларга ошириб, 26 533,6 млн.долларга етишига имкон берган. Апрель ойида ишлаб чиқарилган олтин миқдорида олтин сотилган бўлиши мумкин (300 минг унция ёки 700 млн.доллар атрофида).