​"Р2Р борасида нима ечимга келсак ҳам, бу банк сири талабларига риоя қилган ҳолда амалга оширилиши керак" Солиқ қўмитаси ҳавола қилаётган 6098- сонли фармонда нима дейилган? Фармон яширин иқтисодиёт даражасини пасайтириш, тадбиркорлик фаолиятини юритиш учун, шу жумладан тартибга солиш ва маъмурий юкни камайтириш ҳисобига тенг рақобат шароитларини яратиш, солиқ қонунчилиги талабларига риоя қилиш тартиб-таомилларини автоматлаштириш ва унинг тартибини соддалаштириш мақсадларини кўзда тутган. Айтиш керакки, фармон билан P2P операциялари бўйича назорат чоралари ва амалий ҳаракатлар белгилаб берилмаган. айни пайтда яширин иқтисодиётни қисқартириш бўйича махсус комиссияга бизнеснинг «соядан» чиқишини рағбатлантириш учун шарт-шароитлар яратиш, солиқ режимини соддалаштириш ҳамда нақдсиз тўловларни кенгайтириш чораларини кўриш вазифаси қўйилган. Ҳозир ғалати эшитилиши мумкин, лекин айни шу фармон билан 1 йил муддатга умумий овқатланиш соҳасидаги кичик тадбиркорлик субъектларининг банк карталари ва контактсиз тўловлардан фойдаланган ҳолда жисмоний шахслардан олинган даромадлари умум белгиланган солиқларни тўлашга мажбурий тартибда ўтиш мақсадида умумий даромадга киритилмаслиги тартиби жорий этилган. Яъни пандемиядан кейинги ўша оғир вазиятда кафе ва ресторанларга p2p билан тўлашга рухсат этилган. Нима бўлгандаям, p2p назорати бўйича бошланган ҳаракатларнинг ҳуқуқий томонида ҳали бўшлиқлар жуда кўп (яхшиям суд бор). 15 кун аввалги катта анжуманда айтилганидек, "Р2Р борасида нима ечимга келсак ҳам, бу банк сири талабларига риоя қилган ҳолда амалга оширилиши керак".