Валюта интервенциялари қайси тамойилда ишлаяпти? 2026 йил 1- чорак якунлари бўйича ҳам Пул бозори ва ликвидлик шарҳида олтин хариди ва валюта бозоридаги соф интервенциялар ҳажми очиқланмаган (уч чорак кетма-кет). Олтин сотувлари олтин хариди билан мутаносиб ва деярли гармонияда бўлиб келган аввалги даврларда нейтраллик тамойилига таяниларди. Яъни қанча олтин харид қилинса, маълум даврда тахминан шунча соф валюта интервенция амалга ошириларди. Орада 7 ойлик олтин сотуви танаффуси пайтида бу қоидалар ишламагани аниқ, олтин нархи кескин ошгани шароитида бу энди имконсиз ҳам бўлиши мумкин. Лекин қайси янги тамойилларга амал қилинмоқда? Янги қайчилар ва потолоклар қандай? Регуляторимиз шу ҳақда ҳам тушунтиришлар берса бўларди.