​Шакар импорти қисқарган, нархлар ошишдан тўхтамаган Май ойида 50,4 млн.долларлик 68,7 минг тонна шакар импорт қилинган (57,8 млн.долларлик 80,0 минг тонна шакар импорт қилинган апрелга нисбатан ҳажмдаям, миқдордаям қисқариш рўй берган). Божхона маълумотларига кўра, энг катта импорт ҳалиям Тошкент шаҳрида жамланган (умумий импортнинг 76,7%и). Камида 4 вилоятнинг "шакарчиси" йўқ, Навоий, Сирдарё, Жиззах ва ҳатто 1000 км наридаги Сурхондарёга шакар Тошкентдан ташилади. Импорт шакарнинг нархи тинимсиз ошишда давом этмоқда. Май ойида шакарнинг тоннаси ўртача 734 доллардан импорт бўлган (апрелда 723 доллардан эди). Шакар беш ойдирки, нархи юқори даражада қимматлаётган маҳсулотлигича қолмоқда.