​Импорт шакар қимматлашишда давом этмоқда Июнь ойида Ўзбекистонга 56,5 млн.долларлик 75,3 минг тонна шакар импорт бўлган (май ойида 50,4 млн.долларлик 68,7 минг тонна шакар импорт қилинган). Импортнинг концентрацияси янада ошган. Жами импортнинг 81,9%и Тошкент шакарчилари тарафидан назорат қилинмоқда (Навоий, Сирдарё ва Сурхондарёга бир тоннаям шакар импорт бўлмаган). Импорт шакар қимматлашишдан тўхтамаган. Июнда импортнинг ўртача нархи тоннасига 750,4 долларданга тушган (майда 734 доллар эди). Ички бозорда шакарнинг нархи 6- ойдирки, қимматлашишда давом этмоқда.