​Импорт шакар арзонлашмоқда, чакана нархлар қачон пасаяди? Июль ойида шакар импорти ҳажмда ошишда давом этган. Ой давомида 63,4 млн.долларлик 99,2 минг тонна шакар импорт бўлган (ҳажмда мутлақ янги рекорд). Солиштириш учун, июнда 56,5 млн.долларлик 75,3 минг тонна шакар импорт қилинганди. Импортда тошкентлик шакарчиларнинг улуши ошгандан ошиб бормоқда, ой давомида қайд этилган импортнинг 84%дан ортиғи пойтахтнинг саноқли субъектлари ҳисобигна тўғри келган. Навоий, Сирдарё ва Сурхондарёда ҳалиям шакар импортчилари йўқ. Импорт шакарнинг тоннаси ўртача 639,1 долларданга тушган, бу июндаги ўртача импорт нархидан 111,3 доллар арзон дегани. Бошқача айтганда, импорт шакар нархи йил бошидаги кўрсаткичларга қайтган. Чакана бозорда шакар 7 ойдан бери қимматлаб келаётганди, балки энди нархлар тушар?