​Бизнес кайфияти кўтарилган, лекин энергетикадаги муаммолар асосийлигича қолмоқда 2026 йилнинг биринчи чорагида ўтказилган сўровномада бизнес субъектларнинг 64%и бизнес-муҳит яхшиланганини қайд этишган (2025 йил 4- чорагида 60% бўлган). Пойтахт минтақасида бу кўрсаткич 60%ни ташкил этган. Бутун Ўзбекистон бўйлаб, Тошкентдан Қорақалпоққача, Сурхондарёдан Андижонгача газ ва электрдаги узилишлар тадбиркорлар фаолият юритмаслигини асосий сабаби бўлиб қолмоқда (ҳар йили октябрдан мартгача шу ҳолат). Шунингдек, Тошкент минтақаси учун ижаранинг қимматлашиши асосий муаммолардан бирига айланаётгани кузатилмоқда. Ҳудудларда автоёнилғи нархи ошаётгани, талабнинг етарли эмаслиги, айланма маблағлар етишмовчилиги ва солиқ тизимидаги қийинчиликлар ҳам кўп саналган.