​Бензин ва дизель импорти кескин қисқарган Июнь ойида Ўзбекистонга ёқилғи импорти кескин қисқарган. Қисқаришнинг асосий қисми бензин ва дизелга тўғри келади. Ой давомида 36,9 млн.долларлик 50,7 млн.литр бензин импорт бўлган (бу майдагидан 1,4 карра, апрелдагидан 2,8 карра кам). Дизель импорти эса деярли тўхтаган, ой давомида 2,1 млн.долларлик 2,8 минг тонна дизель импорт қилинган. Солиштириш учун, дизель импорти майдагига нисбатан 15 карра, апрелдагига нисбатан 13 карра қисқарган. Айни пайтда пропан импорти ошишда давом этган, ой давомида 18,1 млн.долларлик 26,7 минг тонна пропан импорти қайд этилган (майдагидан 1,4 карра, ўтган йил июндагидан 6 карра кўп). Импорт ёқилғи нархлари потираб ошишда давом этмоқда. Импорт бензин ўртача 72,7 центдан (майда 63,2 цент) келтирилган бўлса, импорт пропан нархи тоннасига 679 долларданга тушган (майда 576 доллар). Божхона қўмитаси ва умуман статқўм ҳам импортнинг мамлакатлар қирқимидаги маълумотларини очиқламайди, шунинг учун, айтайлик, импортнинг қисқариши энергетикасига зарба еётган босқинчи Россиянинг ҳисобига қанча тўғри келаётгани ва бошқа, айтайлик, қўшни қардош мамлакатлар улуши қандай ўзгараётганини билиш имконсиз. Нима бўлгандаям, юзага келаётган вазиятни босқинчи шимолга шонли энергетиклар яратган сунъий қарамлик ва импорт игнасидан қутулиш контекстида қабул қилиб, шу баҳонада диверсификациялаш ва янги каналлар очиш имконияти ўлароқ кўриш керак.