​Импорти қисқараётган ёқилғи янада тезроқ қимматламоқда Июлда ёқилғи импортининг қисқариши янада тезлашган, нефть арзонлашганига қарамай, нархлар янада баланд сакраган. Хусусан, ой давомида 16,5 млн.долларлик 18,6 млн.литр бензин импорт бўлган. Бу июндагидан 2,7 карра, ўтган йил июлдагидан эса 3,4 карра кам. Бензиннинг ҳар литри 88,9 центдан импорт қилинган (июнда 72,7 цент, ўтган йилнинг шу даврида 55,7 цент). Бензин импорти қулаши фонида асосий импорт ёқилғи пропан бўлиб қолган. Июлда 19,0 млн.долларлик 27,2 минг тонна пропан импорти қайд этилган. Импорт пропаннинг тоннаси 701 долларданга тушган (июнда 679 доллар, ўтган йил шу даврида 377 доллардан). Дизель ёқилғиси ва керосин (авиакеросин ҳам шунинг ичида бўлса керак) минимукмларда қолмоқда. Ёз ойларида ёқилғи балансининг катта қисмини газ (метан) қопламоқда, куз-қишга бориб бундай мувозанат бўлмайди. Шунинг учун, импорт географиясини диверсификациялашда давом этиш зарур.