Пул билан ўлчанмайдиган қиймат бор «Toshkent Invest» компанияси Стратегик ривожланиш бўйича бошқарув раиси ўринбосари Рустам Қодировнинг айтишича, реновацияда фуқароларни имкони борича ўз маҳалласида қолдиришга ҳаракат қилинади. Яъни, танлов фақат пул компенсацияси билан чекланмайди.Мулкдор уйнинг квадратидан келиб чиқиб бирга бир шаклда тайёр уйни танлаши, қуриладиган уйдан хонадон олиши ёки бозор қийматига тенг бўлган бошқа ҳудуддан уй сўраши ҳам мумкин. Агар мулкдор ўз ҳудудида қуриладиган уйдан танланса, у тайёр бўлгунча ижара харажатларини қоплаб бериш ҳам кўзда тутилади. Қодиров уйи реновацияга тушган мулкдор учун пул билан ўлчанмайдиган қиймат борлигини ҳам эътироф этган. Шу нуқтаи назардан, агар бугун тайёр уй олиш имконияти мавжуд бўлса (айтайлик, ўша инфратузилмаси ва илдизига кўникилган маконнинг ўзида, ремонти кафолатлари билан), айримлар учун уни танлаш энг хавфсиз ва хотиржам вариант.