Парламентнинг жонли эфири "галочка ва палочка" учун бўлса керак Муҳримбойнинг жиғибийрон бўлаётганича бор. 35 йиллик алифбо касалимизнинг давоси муҳокама қилинса-ю, трансляцияни изоҳ ва таҳрирлардан нари деб, бир бурчакка тиқиб қўйилса. Лекин алифбо масаласида узил-кесил нуқта қўйилаётганидан хурсандман. Сенат ҳам пайсалга солмасин, эртагаёқ йиғилиб, қонунни маъқулласин. Раҳбар жума куни имзоласа, душанбадан тузатилган алифбони ишлатишга ўтсак бўлади. Бўлди-да энди. Ановулар ўзи билан ўзи овора бўлиб турганда шунақа муаммоларни ечиб олишимиз керак. Тузатилган алифбо ҳаммамизни бирлаштириши лозим.