ХДП нобоп пандуслар учун жазолашни таклиф қилмоқда: жазони кимдан бошлаш керак? Ногиронлиги бўлган шахслар учун яратилган шароитлар ҳақида қурилиш тугагандан кейин ўйланиши кечиккан ёндашув. Агар жамоат ташкилотлари ва мутахассислар лойиҳалаш жараёнининг бошидаёқ иштирок этса, кейинчалик меъёрга жавоб бермайдиган пандуслар ёки бошқа ноқулай ечимлар умуман пайдо бўлмасди, деган қатъий позиция билдиришмоқда ХДП фаоллари. ХДПнинг «Мунозара майдони» клубида айнан шу масала кўтарилибди. Ўзбекистон Ногиронлар жамияти раиси Комил Абдуллаевнинг айтишича, бугунги кунгача аниқланган қонунбузилиш ҳолатлари бўйича 11 мингдан ортиқ материаллар тегишли инспекцияга юбориш учун тайёрланган. Бу мавзу фақат қурилиш стандартлари ҳақида эмас. Гап мамлакатдаги бир миллионга яқин ногиронлиги бўлган инсонларнинг мустақил ҳаракатланиши, таълим олиши, ишлаши ва жамият ҳаётида тенг иштирок этиши ҳақида кетяпти. Инклюзив муҳит ихтиёрий эмас, замонавий жамиятнинг ажралмас талаби бўлиши керак. Албатта, ХДПнинг талаблари ўринли. Лекин жазолашни ҳеч қанақа тендерсиз, қимматлаштирилган нобоп пандусларни ўрнатиб, бюджет ўзлаштириб, ҳам имконияти чекланганларни қийнаётган, ҳам нонини яримта қилаётганлардан бошласак. Нима дейсизлар?