40 ой деганда биринчи марта йиллик инфляция кўрсаткичи 12%дан пастроқ даражада қайд этилди Давлат Статистика қўмитаси август ойи инфляция статистикасини эълон қилди. Унга кўра, ойлик инфляция 0,5%ни, йиллик инфляция эса 11,7%ни ташкил этган. Охирги марта 12%дан паст кўрсаткич 2017 йил апрель ойида қайд этилган эди (11,3%). Йиллик инфляциянинг бундай тарзда пасайгани бир томондан ўтган 2019 йил август ойи инфляция базаси жуда юқори бўлганлиги билан ҳам боғлиқ. 1 йил аввал ойлик инфляция 2,9%ни ташкил этган. Агар 2019 йил сентябрь, октябрь, ноябрь ва декабрь ойлари базаси юқори бўлганлиги инобатга олинса, ярамас монополистларимиздан навбатдаги "тариф ислоҳотлари" юз бериб қолмаса, кредитлаш фаоллиги бюрократик йўл билан рағбатлантирилмаса ва миллий валюта курси барқарорлиги сақланса 2020 йил охиригача йиллик инфляция кўрсаткичи 12%дан паст даражада бўлишини кутиш мумкин бўлади. Дарвоқе, қайта молиялаш ставкасини кўриб чиқиш юзасидан Марказий банк бошқарувининг келаси йиғилиши 2020 йил 10 сентябрь куни ўтказилади.